Reflections -- शिरीष जांभोरकर

आनंदामधे वाहून जायला बालमन लागते ...

2009-11-20T00:16:00.000-08:00

आनंदामधे वाहून जायला बालमन लागते ...

अनेक क्षण येतात आणि जातात ..

त्यातल्या काही क्षणांमधेच एव्हडी ताकद असते की ते आपल्याला उपभोग घ्यायला भाग पाडू शकतात ..

पण आपण मेले कर्म दरिद्री ... कुठली ना कुठली पळवाट काढतोच .....

जे वाहून जाताय ते जाउ दे ..

2009-11-19T05:36:00.000-08:00

जे वाहून जाताय ते जाउ दे ..

माणसाने नेहमीच नदीच्या भूमिकेत असले पाहिजे असे नाही ...

कधी कधी पाळमूळ घट्ट रोवलेले झाड सुध्डा होऊन बघाव ..

म्हणजे आपल्यालाच कळत आपले विचार किती खोलवर रूजलेत ते

सर्व मराठी ब्लॉग धारकांसाठी एक आनंदाची बातमी ...

2009-07-07T02:11:00.001-07:00

सर्व मराठी ब्लॉग धारकांसाठी एक आनंदाची बातमी ...
एक नवीन वेबसाइट सुरू झाली आहे Effective News़
ज्यामधे तुम्ही तुमच्या सर्वात आवडणार्या ब्लॉग पोस्ट शेअर करू शकता ..
ज्या एफेक्टिव न्यूज़ चे वाचक पाहु शकतील आणि त्यावर आपल्या कॉमेंट्स , वोट देऊ शकतील ...
वापरण्यासाठी अतिशय सोपी आणि सरळ अशी साइट ..
एकदा भेट देऊन तर बघा .. Effective News़

राज ठाकरे

2009-05-25T23:09:00.001-07:00

माझ्या सर्व प्रिय महाराष्ट्रीय मातांनो, भगिनिंनो आणि बांधवानो,

माझं हे पत्र आपणापर्यंत पोचेल तेंव्हा लोकसभा निवडणूकांचं मतदान तोंडावर येऊन पोहोचलेलं असेल. मी सुरुवातीला संबोधताना माझ्या सर्व प्रिय महाराष्ट्रीय बांधवाना साद घातली त्याचा अर्थ थोडा व्यापक आहे, जे मराठी आई वडीलांच्या पोटी जन्माला आले ते तर मराठीच परंतु जे महाराष्ट्रात पिढ्यानपिढ्या स्थायिक असणारे, मराठी भाषा शिकणारे, तिच्यावर प्रेम करणारे, तिचा अभिमान बाळगणारे असे सर्वचजण महाराष्ट्रीय आहेत असे मी मानतो. फरंतु आपल्या प्रदेशाचा विकास हा भकास करुन तिथले लाखोंचे लोंढे महाराष्ट्रात सोडून महाराष्ट्रातल्या मूळ मराठी माणसाला व सहिष्णू मराठी संस्कृतीला आपल्या दादागिरीने चिरडू पहाणार्‍या प्रदेशातल्या नेत्यांना व त्यांच्या प्रदेशातून इथे बेकायदेशीरपणे राजकीय व प्रशासनिक दादागिरी करणार्‍यांना माझा विरोध आहे आणि विरोधच राहील.

आता लोकसभा निवडणूकीच्या तोंडावर तुमच्याकडे मतं मागायला शिवसेना, भा.ज.पा, राष्ट्रवादी काँग्रेस, व काँग्रेसचे उमेदवार येतील. महाराष्ट्रातून यांचेच सर्व खासदार लोकसभेत व राज्यसभेत आजवर तुम्ही पाठवलेत. मराठी अस्मितेच्या बाजूने, महाराष्ट्राच्या बाजूने किंवा महाराष्ट्रावर केंद्राकडून अन्याय होत असताना यांच्यातले किती जणं महाराष्ट्र प्रेमाने संसदेमध्ये चवताळून उभे राहिले? हे सगळे पक्ष कणाहिन, लाचार, दांभिक व शिवाजी महाराजांच्या महाराष्ट्र धर्माला लाज आणणारे आहेत. राष्ट्रवादी काँग्रेसच्या शरद पवारांना पंतप्रधान व्हायची स्वप्नं पडायला लागली की, आपण मराठी आहोत हे सुचतं. पण महाराष्ट्र नवनिर्माण सेनेच्या मराठी पाट्या, मराठी भाषा, महाराष्ट्र धर्मासाठीचं आंदोलन करणार्‍या माझ्या कोवळ्या कार्यकर्त्यांवर यांच्याच हातातल्या गृहखात्याने महाराष्ट्रात पाशवी अन्याय व अत्याचार केलेला असतो. मराठी माणूस मत देताना राष्ट्रवादी काँग्रेस पक्षाला याचा जाब मतांद्वारे विचारणार आहे की नाही?

दुसरीकडे शिवसेना-भा.ज.पा. बद्दल तर काय बोलणार? त्यांच्यातली दांभिकता बघून खुद्द बिहारी नेतेही हादरतील. मुंबई महानगरपालिकेत हिंदी भाषेच्या ठरावाला आम्ही विरोध केला, भोजपूरी चित्रपटांना सवलती देण्याच्या ठरावाविरुध्द आम्ही आवाज काढला आणि तो ठराव रद्द करुन घेतला हे आपण विसरणार आहात का? शिवसेनेनेच महाराष्ट्राच्या छाताडावर अस्तित्वातच नसलेला उत्तर प्रदेश दिन नाचवला. छठपूजा महाराष्ट्रात शिवसेनेनेच सुरु केली. एकीकडे बिरहा, भोजपूरी गीत गायन, लाई-चना संमेलन असं सांगत दुसरीकडे 'आम्हीच मराठी' असा पूकारा करणार्‍या शिवसेनेला त्यांच्या राज्यात साध्या दुकानांवरच्या पाट्या मराठी का होत नव्हत्या? माझ्या मुलांनी घनघोर आंदोलन करुन त्या करुन घेतल्या हे मराठीजन विसरणार आहेत काय? हे त्यांचं मराठी प्रेम पुतनामावशींच आहे. भा.ज.पा. महाराष्ट्रात मराठी अस्मितेवर लाथ मारतो. पण कर्नाटकात त्यांचाच मुख्यमंत्री येडीयुरप्पा कानडी अस्मिता दाखवून बेळगावात माझ्या मराठी माणसांना चिरडतो. तेंव्हा मराठी भा.ज.पा. नेत्यांना तुम्ही महाराष्ट्रीय म्हणून कसं मतदान करु शकणार? हे मोठ्या हिंदुत्वाच्या बाता मारुन देश तोडायला बघतात. अफझलगुरुचं नाव घेऊन मतं मागतात. पण त्याच अफझलगुरुच्या बाजूने लढणार्‍या वकील राम जेठमलानींचा मुलगा महेश जेठमलानी भा.ज.पा.चे लोकसभा उमेदवार आहेत.

जे जे देशद्रोही त्या त्या समाजविघातक काम करणार्‍या लोकांच्या केसेस हे जेठमलानी बाप-बेटे घेत आले. मग ती स्वर्गीय इंदिरा गांधींच्या मारेकर्‍याची केस असो, लालूप्रसाद यादवांच्या चारा घोटाळ्याची केस असो वा जेसिका लालच्या खुन्यांची केस असो. जे जे वाईट त्यांच्या केसेस हे घेत आले आणि भा.ज.पा.-शिवसेनेच्या पाठिंब्यावरती हेच जेठमलानी खासदार म्हणून संसदेत गेले. ही माणसं किती खोटी अन् किती दांभिक असावीत? खरंतर तुमच्याकडे मतं मागायला येताना यांना तोंड दाखवायची लाज वाटायला पाहिजे. हे केवळ मराठी माणसांनाच नव्हे तर महाराष्ट्रावर प्रेम करणार्‍या प्रत्येकाला फसवताहेत.

काँग्रेस तर या सर्व पापांचं उगमस्थान आहे. १०६ हुतात्मे देऊन मोरारजी, जवाहरलाल नेहरु सारख्यांकडून मुंबई मराठी माणसाने मिळवली. त्या मुंबईच्या महाराष्ट्राच्या राजधानीचा काँग्रेसचा अध्यक्ष कोण? तर कृपाशंकर सिंह! यांचे उमेदवार पहा. जणू काही मराठी माणूस महाराष्ट्रात अस्तित्वातच नाही. लालुप्रसाद यादव सोनियाजींची महाराष्ट्राबाबत ट्युशन घेणार आणि मग महाराष्ट्राबाबत काँग्रेसचं दिल्लीत धोरण ठरणार. इथल्या महाराष्ट्र काँग्रेसचे कणाहीन लाचार मराठी पुढारी औरंगजेबाच्या दरबारात बादशहाची थुंकी झेलायला जाणार्‍या मराठा जहागीरदार, वतनदारांप्रमाणे धाव घेणार आणि मग महाराष्ट्राच्या उरावर अजून एक घाव यू.पी.-बिहारी नेते घालणार !

या चारही पक्षांच्या घावांनी रक्तबंबाळ होऊनही महाराष्ट्र नवनिर्माण सेना मराठी माणसांसाठी लढायला सज्ज आहे. लोकसभेसाठी मी ताठ मराठी कण्याचे बारा उमेदवार उभे केलेले आहेत. ते जर लोकसभेत गेले तर संसदेमध्ये मूक झालेला मराठी आवाज पुन्हा डरकाळ्या फोडू लागेल. आज माझा पक्ष लहान आहे. एक दिवस मी अठ्ठेचाळीसही खासदार माझ्याच पक्षाचे लोकसभेत पाठवेन आणि दिल्लीला महाराष्ट्राच्या तलवारीचं पाणी काय असतं ते दाखवून देईन. सगळी सोंगं आणता येतात पण पैशाचं सोंग आणता येत नाही. इतर मराठी पक्षच आमच्या उरावर बसलेत नि त्यात धनाच्या कमतरतेची भर, म्हणून माझा पक्ष मर्यादित जागा लढवतो आहे. जागा आम्ही लढवतो आहोत, पण हे युध्द तुमचं आणि तुमच्यासाठी आहे हे लक्षात असू द्या.

इथे मी दोन गोष्टी स्पष्ट करु इच्छितो. पहिलं म्हणजे, मी आर्थिक व तत्सम इतर बाबींवर बोलत नाही असा मुद्दा काढला जातो. उत्तर प्रदेश व बिहारचा विकास करण्याकरता महाराष्ट्र व मुंबई भरभरुन कर देतं त्याचा थोडासा वाटा महाराष्ट्राला येतो. बाकी उत्तर प्रदेश व बिहारलाच जास्तीचा वाटा जातो. तिथले नेते पैशाने गब्बर, माफीया होतात. तर जनता भकास, भिकारी, नि उदास. मग रेल्वे भरभरुन त्यांचे लक्षावधींचे लोंढे महाराष्ट्रात शिरतात. बेकायदेशीरपणे महाराष्ट्राच्या मतदार यादीत आपली नावं घालतात. मग मागाहून ते प्रदेश भिकेला लावून महाराष्ट्रातलं राजकारण करायला व इथे राजकीय दादागिरी करायला त्यांचे नेते येतात. त्यांना आपलेच इथले इतर पक्षांचे मराठी नेते साथ देतात, यालाच माझा विरोध आहे. त्याविरुध्द माझा पक्ष लढतोय्. हा प्रश्न मुलत: आर्थिकच आहे. पण माझ्या पक्षाकडे सत्ता नसल्याने मी रस्त्यावर लढतो आहे. सत्ता आली की या लढयाचं आर्थिक तोंडही मी उघडेन आणि महाराष्ट्राला या दुहेरी मुस्कटदाबीतून मुक्त करेन.

भारतातल्या यु.पी.-बिहार व्यतिरीक्त कोणत्याही प्रदेशातून महाराष्ट्रात एवढ्या मोठ्या प्रमाणावर लोंढे राजकीय दादागिरी करायला येत नाहीत. इतर प्रांतातून येणारे भारतीय परप्रांतीय (उत्तरेतलेही) महाराष्ट्रावर व महाराष्ट्र धर्मावर बहुतांशी प्रेमच करतात. त्यांचा माझा पक्ष आदरच करतो. मिडियाने खोटेपणा करुन माझी लढाई या सर्व परप्रांतीयांशी आहे असा प्रचार चालवलेला आहे तो एक धुर्त कावा आहे. त्याचाही बंदोबस्त लवकरच होईल.

वर्षानुवर्षे आपल्या समोर येणार्‍या या ढोंगी राजकीय पुढार्‍यांना आणि उमेदवारांना आपणच पाठिंबा देतो आणि मग ते राजकारणाचं स्वत:च्या व्यवसायात रुपांतर करतात. स्वातंत्र्य मिळाल्यापासून ६० वर्ष हेच चालू आहे. यात आता तरी आपण बदल करणार आहोत की नाही ? दरवेळी त्याच त्याच नाकर्त्या पक्षांच्या लोकांना खासदार करायचे आणि पुढची पाच वर्ष त आपल्यासाठी काहीच करत नाही म्हणून पश्चातापाचा हात कपाळावरती मारत रहायचा. हे किती वर्ष चालणार ?

माझ्या तमाम मराठी मातांनो, बांधवानो, आणि भगिनिंनो, या लोकसभेला आणि त्यानंतरच्या प्रत्येक निवडणूकीत जर तुम्ही महाराष्ट्र नवनिर्माण सेनेला मत दिलंत, तर मी महाराष्ट्र युरोपमधल्या कुठल्याही देशापेक्षा अधिक समृध्द करुन तुम्हाला दाखवीन. लक्षात ठेवा, सुट्टी आहे म्हणून आत्ताच गावाला जाऊ नका. मतदान करा. तुमच्या मताने महाराष्ट्राची भाग्यरेषा बदलणार आहे. तुमच्या मताची महाराष्ट्र नवनिर्माण सेना वाट पहात आहे.

उठ, महाराष्ट्रा बाहेर पड, पुन्हा एकदा दिल्लीला महाराष्ट्राचं पाणी पाजून राष्ट्रधर्म व महाराष्ट्र धर्म शिकवण्याची वेळ आलेली आहे.

संसदेत, 'तुम्हा मराठी जणांना अरबी समुद्राचे पाणी पिऊन यांचे मेंदु सडलेत' असं एक बिहारी खासदार प्रभुनाथ सिंह म्हणाला होता हे विसरु नका. तेंव्हा हा राज ठाकरे आणि त्याचे कार्यकर्तेच चवताळुन महाराष्ट्रासाठी उभे राहिले. त्यावेळी तुमचे शरद पवार, विलासराव देशमुख, अशोक चव्हाण, उध्दव ठाकरे, लालकृष्ण अडवाणी हे मराठी माणसाच्या वस्त्रहरणाची मजा घेत होते. माझी सुरक्षा काढून घेतली. माझ्या कार्यकर्त्यांना बिहारी व यू.पी.च्या अधिकार्‍यांनी अमानुष मारहाण केली. माझ्या मालेगावच्या कार्यकर्त्यांना तर निखिल गुप्ता नावाच्या एस.पी.ने मराठीची बाजू घेतात म्हणून दोन-दोनदा ठाण्यावर बोलावून बेदम मारलंय् हे सारं शरद पवारांच्या राष्ट्रवादी काँग्रेसच्या गृहखात्याच्या आणि काँग्रेसच्या मुख्यमंत्र्यांच्या आशिर्वादाने होत होतं. भा.ज.पा.-शिवसेनेचे संसदेतले खासदार तेंव्हा हाताची घडी व तोंडावर बोट ठेवून हे मराठी वस्त्रहरण निमुटपणे पहात होते. मी आणि माझा पक्ष सत्ता नसल्याने त्यावेळेला रस्त्यावर लढत होतो, हे मतदानाच्या दिवशी विसरु नका !

शेवटी एकच ! महाराष्ट्रावर जो प्रेम करतो महाराष्ट्रासाठी जो मरायला तयार आहे तो मराठी. यात सगळे येतात. पण काहीजण निश्चितच येत नाहीत. चार प्रमुख पक्ष यात येत नाहीत. डॉ. बाबासाहेब आंबेडकर हे एका काँग्रेसी उमेदवाराकडून पराभूत झाल्याचा इतिहास आपल्याला माहीत असेलच. त्यामुळे मराठी माणसाला कुटीलतेने आपापसात झुंजवून त्याचं क्षात्रतेज (छत्रपती शिवरायांसारखं!) दिल्लीत पोचणार नाही याची दक्षता दिल्ली घेते. तेंव्हा सावध रहा. उठा. जागे व्हा. महाराष्ट्र नवनिर्माण सेनेचा सर्वत्र, सर्व निवडणुकांमध्ये निर्विवाद विजय होऊन महाराष्ट्र धर्माचा विराट असा वणवा पेटवेपर्यंत थांबू नका. मी माझ्या उमेदवारासाठी तुमचं एक मत त्यासाठीच मागतोय्. ते द्याल ना? नव्हे, द्याच! कारण ते मत तुमचं अंत:करणापासून दिलेलं मत असेल.

तूर्त एवढंच.

जय महाराष्ट्र!

आपला नम्र,

( राज ठाकरे )

एका वधुची परीक्षा ...........

2009-04-03T01:11:00.001-07:00

नमस्कार मित्रांनो ...

पहिली मुलाखत .. तीही मूलखती देणारीची ...
नाव न सांगण्याची अटीवर तिने जे सांगितले ते तुमच्यासाठी इथे देत आहे ...

http://interviewoftheuncommonman.blogspot.com/

काम

2009-04-01T23:43:00.001-07:00

सगळी काम पूर्ण करणे म्हणजे हे माहीत असणे .. की कुठली काम करायची नाहीत ...

दंगल

2009-03-30T00:09:00.001-07:00

सर्वात जास्त तीव्रतेने आवडणारी गोष्ट एकट्या माणसाकडूनही दंगल घडवण्याची क्षमता ठेवते ...

समजूतदार व्यक्ती

2009-03-30T00:00:00.001-07:00

समजूतदार व्यक्ती स्वत:ला बदलवू शकते आणि बदलते .. जसे जग आहे त्याप्रमाणे ... आणि इतर व्यक्ती प्रयत्न करत राहतात .. जगाने बद्लावे ह्यासाठी ... खरी प्रगती त्यांच्याकडुनच होते ... जे जग बदलण्यासाठी प्रयत्न करत रहातात ...

लोकशाही म्हणजे एक प्रक्रिया

2009-03-29T23:57:00.001-07:00

लोकशाही म्हणजे एक प्रक्रिया .. ज्यामधे ... आपण तत्पर असतो अशी व्यक्ती निवडण्यासाठी .. जिच्यावर ... सगळ्या चुकांची जबाबदारी टाकता येईल...

ऑनलाइन मतदान तेही भारतात .. शक्य आहे ... फक्त तुम्ही सही करा

2009-03-22T04:00:00.001-07:00

ऑनलाइन मतदान तेही भारतात .. शक्य आहे ... फक्त तुम्ही सही करा

बंगलोर मधे लहान मुलांची मोफत हृदय शस्त्रक्रिया नेहमीसाठी

2009-03-19T23:34:00.001-07:00

बंगलोर मधे लहान मुलांची मोफत हृदय शस्त्रक्रिया नेहमीसाठी ...

HEART SURGERY FOR CHILDREN - FREE OF COST IN BANGALORE, INDIA

भारतीय महिला विश्व करंडका च्या सूपर सिक्स मधे

2009-03-14T13:09:00.001-07:00

भारत गरज नसलेली मॅच हरला आणि धोणी जे बोलला त्याची बातमी झाली ...

आणि आपल्याच भारतीय महिला विश्व करंडका च्या सूपर सिक्स मधे

पोहचल्या त्याचा कुणाला पत्ताही नाही ...

शिवाजी महाराज - आज त्यांची जयंती ..

2009-03-12T23:37:00.001-07:00

बाबा आपल्या 5 वर्षाच्या निरागस मुलाला सांगत होते ..

शिवाजी महाराज किती शूर आणि पराक्रमी होते आज त्यांची जयंती ..

त्यांच्याकडे खूप अश्या गोष्टी आहेत ज्यातुन आपल्याला खूप काही शिकता येईल ...

आणि छोटु म्हणाला .. बाबा बाबा ss .. काल रात्री किनई शिवाजी महाराज माझ्या स्वप्नात आले होते ..

नि काय म्हणाले माहितेय ... मलाही तुझ्यासारखे होता येईल का रे ?

ssssss नि छोटु आनंदाने उड्या मारत खेळायला पळाला ...

व्यर्थ

2009-03-12T02:03:00.001-07:00

कुणा दुसर्‍या सारखे व्हावे वाटणे म्हणजे तुम्ही जे आहात ते व्यर्थ असणे होय ...

होळी

2009-03-10T03:45:00.001-07:00

दुसर्‍याच्या रंगामधे रंगून जाणे .. हे तसे फार अवघड नसते ... गरज असते ती फक्त .. समर्पणाची ...

शिमग्याच्या हार्दिक शुभेछ्या

2009-03-10T01:30:00.001-07:00

रंगांशी मैत्री म्हणजे निसर्गाला आवाहन ... प्रत्येक सजीवाला ... तुझ्या सारखी नितळ हिरवळ लाभावी असे ..

अस्वीकार

2009-03-05T23:14:00.001-08:00

खळखळणारी नदी स्वच्छ असायचे कारणच हे असते ,

की ती तिच्या मधल्या पाण्याचे परिवर्तन स्वीकारते ...

नवीन पाण्याचा अस्वीकार ज्यावेळी ती करू लागेल ..

त्यावेळी तिचे डबक्यात रुपांतर होण्यासा उशीर लागणार नाही

परीस स्पर्श

2009-02-28T05:38:00.001-08:00

एका लहान मुलाने आजोबांना रस्ता ओलांडायला मदत केली ..
नि आजोबा म्हणाले ... आज मला परीस स्पर्श झाला ...

उत्तरे

2009-02-24T22:52:00.001-08:00

कधी कधी सगळी उत्तरे माहीत असण्यापेक्षा काही प्रश्न माहीत असणे जास्त चांगले

प्रभाव

2009-02-02T23:13:00.001-08:00

मी माझ्या विचारांकडे बघितले त्यावेळी कळले...

तेच तर माझ्या शब्दांवर प्रभाव टाकत होते ...

माझे शब्द ... माझ्याकडून कृती घडवून आणत होते ...

आणि कदाचित त्यामधूनच माझ्या सवयींचा जन्म झाला ....

आणि बघता बघता माझे व्यक्तिमत्व तयार झाले ....

एका ट्रेन ची गोष्ट

2009-01-21T04:13:00.001-08:00

एक गोष्ट सांगतोय ...

नीट लक्ष देऊन ऐका आणि निर्णय घ्या ...
तुमची निर्णयक्षमता तपासण्यासाठी ही गोष्ट नक्की उपयोगी पडेल ...

एकदा काही मुले रेलवे ट्रॅक वर खेळत होती .. तिथे 2 ट्रॅक होते ... एक
असा जो .. जो वापरात नाहीए .. नि दुसरा असा .. जो सध्या वापरला जातो
आहे...

त्यात फक्त एकच लहान मुलगा वापरात नसलेल्या ट्रॅक वर खेळत होता .. बाकीचे
सगळे चालू ट्रॅक वर खेळत होते ....

नेमकी त्यावेळी ट्रेन आली ... आणि तुमची ड्यूटी ट्रॅक बदलण्याच्या जागी आहे ...
अशावेळी तुम्हाला निर्णय घ्यायचा आहे ...
तुम्ही ट्रॅक बदलू शकता ... आणि सगळ्या मुलांना वाचवू शकता ... एका लहान
मुलाचा बळी देऊन ...

किंवा ... ट्रेन ला आपल्या मार्गाने जाऊ देऊ शकता ... ...

>>
क्षणभर विचार करूया ...

>>
निर्णय तर घ्यायचा आहे ...

>>
आता पुढे वाचा ...

>>
बहुदा .. बरेच जण त्या लहान मुलाला सॅक्रिफाइस करायचा निर्णय घेतील ...
नैतीकतेने आणि भावनाशिलपणे

पण तुम्ही जर नीट विचार केला .. तर तुम्हाला काही गोष्टी लक्षात येतील ...

1 . ज्या मुलाचा तुम्ही बळी देत आहात .. त्याने खूप योग्य निर्णय घेतला
होता ... सुरक्षित जागी खेळण्याचा ...
2. आणि त्याचा जगण्याचा हक्क हिरावून घेतला जात आहे त्याच्या अशा
मित्रांमुळे ज्यांनी माहीत असूनही ... धोक्याच्या ठिकाणी खेळणे निवडले
...
3. अशा प्रकारची दुविधा स्थिती आपल्याला अनेक ठिकाणी पाहायला मिळते ऑफीस मधे ...
समाजामधे .. राजकारणामधे ... मुख्यत्वे लोकशाही प्रक्रियेमधे ... जिथे
योग्य माणसाचा बळी दिला जातो .. कारण अयोग्य माणसांचे संख्याबळ जास्त
असते ...
4. एक तर त्याचा बळी दिल्या जाईल आणि एकही अश्रूचा थेंब कुणाच्याही
डोळ्यातून बाहेर येणार नाही त्याच्यासाठी

****************************************************************************************
योग्य निर्णय हाच आहे ... की ट्रॅक बदलू नये ....

>>कारण .. त्या ट्रॅकवर खेळणारी मुळे कदाचित सावध असतील .. आणि ते पळू शकतील...

>>पण ह्या वापरात नसलेल्या ट्रॅक वर ट्रेन येईल असा विचारसुध्डा त्या लहान मुलाच्या मनाला शिवनार नाही ... आणि मग जे होईल ते अटळ असेल ...

>>आणि तो ट्रॅक वापरात नसायचे कारण देखील हे असु शकेल की .. तो मुळातच धोकादायक आहे .... आणि अशा धोकादायक ट्रॅक वर ट्रेन चालवुन आपण हजारो प्रवाश्यांचा जीवही विनाकारण धोक्यात टाकत आहोत ...

एक गोष्ट लक्षात ठेवावी ...

जे बरोबर आहे कदाचित ते लोकप्रिय नसेल...
पण जे लोकप्रिय आहे ते नेहमीच बरोबर आहे असे नसते ...

शिरीष जांभोरकर

एका ट्रेनची गोष्ट

2009-01-21T01:42:00.001-08:00

चुकीची गोष्ट

2009-01-20T22:24:00.001-08:00

अशी कुठलीही चुकीची गोष्ट नसते ... जी बरोबर गोष्टीने दुरुस्त केली जाऊ
शकत नाही ...

भारताने काय करावे 26/11 च्या हल्ल्यानंतर ?

2008-12-31T02:38:00.001-08:00

http://007.org.in/ ह्या

साइट ला भेट द्या आणि मत नोंदवा ..

Welcome 2009 ...

2008-12-30T22:16:00.001-08:00

उद्या अजुन एक नवीन दिवस ..

सुंदर आणि आल्हाद कारी सकाळ घेऊन येईल...

मनाच्या अंतरंगामधे नवीन पालवी फुटेल ...

प्रतेक क्षणाकडे पाहून कणाकणाला जाणीव होईल त्या सूर्योदयाची ...

ज्याची सगळे आतुरतेने वाट पाहत आहेत....

Welcome 2009 ...

एकदा मी मला शोधायला निघालो ...

2008-11-26T01:10:00.001-08:00

एकदा मी मला शोधायला निघालो ...
रस्त्याने जाताना ... इकडे तिकडे पाहत ...
कधी गाडीवर .. कधी रिक्षामधे ...
कधी ड्राइविंग करतोय
तर .. कधी शिळ मारतोय ...
कधी उन्हात मी ..
तर कुठे सावलीत मी ...
सगळीकडेच मीच मी भरून आहे असे वाटले ...
नि मी एक दीर्घ श्वास घेऊन स्वत:च्या आभासाने ... मुग्ध झालो....

नदीच्या पाण्यातील प्रतिबिंब आणि आरश्यातील प्रतिबिंब यामधे फरक तो काय? ...

2008-11-23T22:27:00.001-08:00

नदीच्या पाण्यातील प्रतिबिंब आणि आरश्यातील प्रतिबिंब यामधे फरक तो काय? ...
नदी ज्यावेळी प्रतिबिंब दाखवते ...
त्यावेळी .. तिच्या प्रवाहाचा वेग ...
पाण्याची निर्मळ ता .. आणि तळाचा भाग ....
ह्या सर्व गोष्टी पडलेल्या प्रतिबिंबामधे अंतर्भुत असतात...
म्हणजे एक प्रकारे ...
नदी स्वत:चे स्वत्व अबाधित ठेवून ...
दुसर्‍याचे मूलयमापन करते ...
आरश्याचे तसे नसते ..
जे आहे जसे आहे ते असे आहे असे तो म्हणतो ...

गिरीशशी मारलेल्या गप्पा

2008-11-18T02:08:00.001-08:00

या आधीची पोस्ट ही होती ... आणि त्याबद्दल थोडी चर्चा झाली... तीच देतो आहे इथे

ती म्हणाली एक गोष्ट सांगिशील ," श्रध्धा आणि विश्वास या मधे नेमका फरक
तो काय ?" ...
विश्वास ठेवण्यासाठी माणसाचा भूतकाळ पुरेसा असतो
आणि कृती करायची जबाबदारी दुसर्यावर ढकललेली असते ...
श्रध्धेचे तसे नसते ...
आपली कृती आपल्या श्रध्धेला अजुन बळकट करते ...
आणि जबाबदारी स्वत:वर घेण्यासाठी तत्पर असते ती म्हणजे श्रध्धा ...

------------------------------------------------------------------------------------------------

गिरीश: माझी एका गोष्टीवर श्रध्धा आहे आणि माझ्या श्रध्धेवर माझा विश्वास आहे...
म्हणजे ?

शिरीष: श्रध्धेवर विश्वास नसतो
श्रध्धेवर विश्वास म्हणजे अंधश्रध्धा
श्रध्धा निर्मल असते

गिरीश: म्हणजे विश्वास निर्मल नसतो...

शिरीष: विश्वासा मागे गरज असते .. कधीकधी स्वार्थ असतो
आणि कुणी विश्वास मोडला तर ... जबाबदारी त्याच्यावर ढकलून आपण मोकळे
व्हयायचा मार्गही असतो

गिरीश: तुझा देवावर विश्वास आहे की श्रध्धा?

शिरीष: देवावर श्रध्धा असावी

गिरीश: Just casual ... नास्तिक किंवा आस्तिक असा मुद्दा नाही
श्रध्धा ही विश्वासातून जन्माला येते असे माझे मत आहे

शिरीष: हो ती आता .. कारण आपल्याला .. हजारो वर्षांचा भूतकाळ आहे म्हणून
म्हणून बर्‍याच जणांना अजूनही त्यांचा देवावरचा विश्वास म्हणजे श्रध्धा वाटते

गिरीश: याही पेक्षा मला वाटते कि..ज्या विश्वासाला परखुन बघण्याची कधीच
गरज वाटत नाही ...ती श्रध्धा..ऽनि ज्या ठिकाणी पारख ण्याचा सवाल येतो
तिथे आपण आपल्या विश्वासावर शंका घेतळालेलीच असते..

शिरीष: ..ज्या विश्वासाला पारखून बघण्याची कधीच गरज वाटत नाही... म्हणजे?.

गिरीश: देवावरचा विश्वास .... तुम्ही तो कधी पारखून बघण्याच्या नादी
लागत नहि..तो कायम असतो.. कधीही .. कुठेही..

शिरीष: नादी का लागत नाही ...?

गिरीश: जर त्यात शंका उत्पन्न झाली की तो विश्वास होतो श्राध्धा राहत नाही

गिरीश: नादी लागत नाही असे मी म्हणालो नहि...जेव्ह नदी लागतो तेव्हा
तो फक़त विश्वास असतो ... नदी लागलो नाही तर ती श्राध्धा असते..

शिरीष: असे नसते रे ... चंगुल पानावरची श्राध्धा आणि देवावरची श्रध्धा
हे वेगवेगळे असेल .. तर असे नसते

गिरीश: ह्या दोन्ही गोष्टी भिन्न आहेत .. त्यामुळे आपल्या व्याख्या पण
सापेक्ष होतील .. पण एक गोष्ट मला नक्की वाटते चांगुल पणा वरचा विश्वास
दृढ झाला की श्रध्धा व्हायला वेळ लागत नाही

शिरीष: चांगुल पणा वर विश्वास असणारा माणूस ... म्हणजे .. पापभिरू
सामान्य माणूस .. आणि चांगुल पानावर श्रध्धा असणारी व्यक्ती म्हणजे ...
श्यामची आई...

गिरीश: या मताशी मी सहमत आहे ... जेव्हा त्या सामान्य पापभिरू माणसाचा
विश्वास श्रध्धेत प्रवर्तीत होईल तेव्हा तो ही श्यामाच्या आईसारख्याच
कॅळीबेरचा होईल हे नाकारता येणार नाही..

गिरीश: पण तरीही श्रध्ेच्या मुळशी विश्वास असावा लागतोच या मताचा मी आहे..

शिरीष: You can always be

शिरीष: माझेही तेच मत आहे ....
फक्त एव्हडेच ... की मी फरक सांगत होतो...
आणि तू डिपेंडेन्सी सांगत होता

गिरीश: चला छान Refresh वाटळ .. बर्‍याच दिवसाणी काही तरी विचार
कार्याला मिळाला साहित्यात...

शिरीष: :)

श्रध्धा आणि विश्वास

2008-11-18T00:12:00.001-08:00

ती म्हणाली एक गोष्ट सांगिशील ," श्रध्धा आणि विश्वास या मधे नेमका फरक तो काय ?" ...
विश्वास ठेवण्यासाठी माणसाचा भूतकाळ पुरेसा असतो
आणि कृती करायची जबाबदारी दुसर्यावर ढकललेली असते ...
श्रध्धेचे तसे नसते ...
आपली कृती आपल्या श्रध्धेला अजुन बळकट करते ...
आणि जबाबदारी स्वत:वर घेण्यासाठी तत्पर असते ती म्हणजे श्रध्धा ...

राजला एक पत्र ...

2008-10-20T23:54:00.000-07:00

राज ..

राज .. तू एक नंबर माणूस आहेस ... तू मनाने आणि चारित्र्याणे स्वच्छ आहेस .. जे वाटते ते बोलतोस म्हणून आम्हाला आवडतोस ...
आज माझ्यासाठी ( मराठी माणसासाठी ) भांड्ताना ... तुला अटक व्हावे लागतेय म्हणून मला जे वाटले ते लिहितोय ...
तू जो मार्ग निवडला आहेस .. तो सर्वाना स्वीकारण्यासारखा नाहीए .. असे मला राहून राहून वाटते ...
तुला अटक झाली याचा अर्थ .. असा नाही होत .. की अन्याय झाला ..
याचा अर्थ एव्हडाच .. न्याय देवतेने तुला कान पकडून स्वत:समोर उभे केले आहे ...
आणि मराठी माणसांनो एक लक्षात ठेवा.. आपला नेता जर चुकत असेल तर त्याला समजवणारा कायद्याशिवाय इतर कुणीही असु शकत नाही ...
आणि मला नाही वाटत .. इतर कुठल्या नेत्यामधे .. अण्णा हजारेन्शिवाय .. राज चुकतोय तर काय केले पाहिजे हे सांगण्याचे कर्तुत्व आहे ...
तू चुकतोय की नाही हा मुद्दा गौण ... पण किमान आपल्या मुद्द्याचे समर्थन करण्याची रीत जर बदलली नाही
तर .. त्याचे परिणाम आपल्या सगळ्यांनाच भोगावे लागतील .. सततचे अराजक .. म्हणजे मराठी माणसाचा विजय .. नव्हे ...
मराठी पाट्या ... नसतील तर .. अराजक ...
यु पी बिहारी वाले असतील तर अराजक...
अरे चाललेय काय माझ्या देशात ...
माझ्या स्वप्नातील महाराष्ट्र बनवायचा असेल तर आपल्याला सौम्य व्हावेच लागेल ...
टिळकांनी आणि सावरकरांनी आपल्या आपल्यातच भांडण्यासाठी स्वातंत्र्य नाही मिळवून दिले ...

माझ्या महाराष्ट्रातील बसेस आणि सार्वजनिक मालमत्ता ... आपण केलेल्या आधीच्या चुकांचा राग करण्यासाठी बनवल्या नाहीयेत राज...
ज्याहि वेळी मी 1 दिवस काम करतो त्यातील 20 % सरकार घेते .. आणि त्यातून ही मालमत्ता उभी राहते ... नसेल पुरेशी ती अजुन ...
पण आहे .. आणि जेव्हडी आहे त्यातून जनतेचे नसल्यापेक्षा बरेच प्रश्न कमी झाले आहेत ...

जनतेला मी आवाहन करतो .. की राजचे समर्थन करताना ... एकाही सरकारी मालमत्तेचे नुकसान करू नये ...
सरकार भलेही राजच्या विरोधात असेल .. पण न्यायालय कधीच नसेल ... न्यायालय अशा गोष्टीमध्ये आपल्याला मार्ग दाखवण्याचे काम करेल ... आणि आपण जर न्यायव्यवस्था नाकारत असु तर ... माहीत नाही पुढे काय काय वाढून ठेवले आहे .. ...
आपल्या अशा क्रियांमुळे जर कुणी त्यावर प्रतिक्रिया दिली आणि वाद वाढत गेले तर पुढे याशिवाय अजुन काही वेगळे घडणार नाही .. मग फक्त बघत बसायचे ...
होणारी दंगल .. तोडफ़ोड .. जाळपोळ ... हयामधे कुणीही असु शकते ... मी ... तुम्ही .. आपली आई .. बहीण ... म्हातारे बाबा ... आजी...

मी तुझ्यासोबत आहे राज ...
तुझाच शिरीष
( तुझाच एव्हड्या साठी .. की तू मला सर्वात जास्त आवडणारी राजकीय व्यक्ती आहेस )

स्वत:कडे अस पहाव

2008-10-15T04:51:00.001-07:00

स्वत:कडे अस पहाव ..

की स्वत:चाच अभिमान वाटेल ...

वाईट नजरेने पाहण्याचा कुणी प्रयत्न जरी केला ...

तरी त्याची नजर आपोआआप झुकेल....

कुणीतरी मला विचारले , " I am perfect IF " -

2008-10-14T01:58:00.001-07:00

कुणीतरी मला विचारले , " I am perfect IF " -

जर आणि तर - खूप साधे शब्द ... त्यांचा साधेपणा शब्दात वर्णन करणे अशक्यच .....

मी जसा आहे तसाच जर मला आवडू शकलो

तर सर्वात मोठा "जर" बाजूला झाला...

एक गोष्ट

2008-10-08T00:42:00.001-07:00

ती म्हणाली ,

"एक गोष्ट सांगू ... आत्ता सांगू की रात्री सांगू " ...

मी म्हणालो ," आत्ता सांग " ...

" नको आत्ता नको मी रात्री सांगते " ...

च्यायच बेन !!

साधे प्रश्न

2008-10-06T04:35:00.001-07:00

ती एकदा मला म्हणाली ,

"तू नेहमीच मला असे कोड्यात का टाकतोस रे ?

माझ्या सारखे साधे प्रश्न तुला कधी विचारताच नाही येणार का ...? "

सांग बर ...

" मी तुला का आवडते ? " .........

नि मी आपला आ~~~~ वासून तिच्याकडे बघत राहिलो.......

" तुला माहितेय ? ... "

2008-09-30T02:18:00.001-07:00

" तुला माहितेय ? ... "
असे म्हणून प्रत्येक वाक़याची सुरूवात व्हायची ...
आणि माहीत नसलेली अजुन एक गोष्ट
मला माहीत व्हायची ...

"आणि" ....

2008-09-29T00:10:00.001-07:00

एकदा मला एक कारण सांगायचे होते ...
कारण सांगितले नि मी म्हणालो "आणि" ....

माझी स्तुती एका वाक़यात कर असे ती म्हणाली ...
"मला जशी माझी ती हवी होती तशी तू आहेस "
नि ती म्हणाली "आणि" ....

प्रतिबिंब

2008-09-23T23:37:00.001-07:00

असह्य वेदना .. म्हणजे मनातील अन्तर्मनाचे एक प्रतिबिंब होते ...
त्या ज्यावेळी दृष्य झाल्या त्यावेळी... सगळीकडून प्रश्न आला.....
अरे ... तू तर असा नव्हतास.............

पावसाच्या घरी

2008-09-23T01:09:00.001-07:00

एकदा चुकुन पावसाच्या घरी गेलो....
गळणार्‍या घरामध्ये तोही छत्री धरून बसला होता....

चांदणे

2008-09-22T03:51:00.001-07:00

अशक्य वाटावे असेच सगळे घडत होते ...
ओठांनी नाही म्हणत ...
डोळ्यांमधे तुझ्या पौर्णिमेचे चांदणे पडत होते ....

उन

2008-09-22T03:19:00.001-07:00

ओलेत्या पावलाने आज उन चालत आले...
ग्रीष्माच्या स्पर्शाने वसंताला धुंद करून गेले...

प्रवास ...

2008-09-18T03:22:00.001-07:00

काहीतरी शोधायचे म्हणून मी निघालो होतो जगाच्या प्रवासा ...
आणि शेवटी काय तर .. अमेरिकेत जाऊन मी भाजी पोळीचे गोडवे गाऊ लागलो...

कळत नकळत

2008-09-16T06:15:00.001-07:00

तुझ्याही नकळत ...
माझ्याही नकळत ..
घडायचे ते घडून गेले ...

डोळ्यांनी बोलायचे बंद केले ...
झूरणरे अश्रुही विरून गेले ...
घडायचे ते घडून गेले ...

स्पर्शही नकळत बोलका झाला ...
जरी फक्त मज ओठाना केस तुझा स्पर्शून गेला...
घडायचे ते घडून गेले ...

मनातील गुपितही अलगद ओठी आले ..
हवे ते जुळून आले..
आणि घडायचे ते घडून गेले ...

तुझ्याही नकळत ...
माझ्याही नकळत ..
घडायचे ते घडून गेले ...

ती

2008-09-12T01:30:00.001-07:00

ज्याहि वेळी ती लाजून माझ्याकडे पाहते ...
खर सांगतो ...
तिला पाहण्यासाठी हवाही क्षणभर हळू हळू वाहते ...

मी

2008-09-12T00:46:00.001-07:00

मी जसा आहे तसा व्यक्त व्ह्यायला लागलो ...
आणि मी मला अजुनच आवडायला लागलो ...

Charoli

2008-09-10T05:27:00.001-07:00

हृदयाची भाषा मला अचानक कळायला लागली....
जणू माझ्यातल्या प्रत्येक कणाची जाणीव जिवंत व्ह्यायला लागली ...

पंख

2008-08-29T03:31:00.001-07:00

फुलपाखरांसारखे उडायला मलाही जमले असते ...
भीती वाटली ती चूरगाळले जाण्याची....
माझे मन हळूच मला कानात म्हणाले ,
" पंख असूनही भरारी घेण्याची वाट पाहत आहेस ...
तुझा देश आणि आणि तुझे देशवासीय एका नेत्याची वाट पाहत आहेत ... "

हायकू

2008-08-29T03:20:00.001-07:00

रंगानाही गंध जेव्हा यायला लागला ...
पाण्यामध्येही आसमंत जिवंत व्हायला लागला...

माणसे प्रश्न कधी विचारतात?

2008-08-21T06:35:00.001-07:00

माणसे प्रश्न कधी विचारतात... तर त्यातून त्यांना काहीतरी हवे असते ...
कधी उत्तर माहीत असते ...
तर कधी उत्तरा नंतर होणारा संभ्रम माहीत असतो...
प्रत्येक प्रश्नातुन काही नाही काही जे विचारले नाही ते जाणून घ्यायची अलिप्त इच्छा असते ...
जर ती पूर्ण झाली ... तर माणूस तृप्त होतो... अगदी मनासारखे उत्तर भेटल्यासारखा....

जाने तू या जाने ना - एक प्रश्न ..

2008-08-20T06:42:00.001-07:00

काल जाने तू या जाने ना चे ... कभी कभी आदिती ... गाणे बघत होतो....
छान वाटत होते ... एकदम सुरेल गाणे ... त्यातल्या भाव भावना .. संवेदना ... आणि बरेच काही ....
एका ठिकाणी अचानक मन अडकले... .थबकले .. आणि थोडे कासावीस झाले ...
सर्वात शेवटी ज्यावेळी जय आदितीला दुसरे छोटे मांजरचे पिल्लू आणून देतो ना ...
त्यावेळी ती खुद्कन हसते ... आणि त्याला मिठी मारते ....
सगळ्यांच्या दृष्टीने ... तो क्षण खूप महत्वाचा....
पण तिचे काय ? .... जी आधी तिला सोडून गेली ....
जिच्यासाठी हा आटापिटा सुरू होता....
नक्की तिच्यासाठीच होता ना ....?
की दुसरी मांजर आणून दिली म्हणजे ती गेल्याचे दुख: संपले ..........?
प्रश्न मला पडला आणि खूप वेदना झाल्या ...
एक गोष्ट सांगू ... ज्याही वेळी तुम्ही हे वाचाल ना .. त्यावेळी नक्की Reply करा ... की तुम्हाला काय वाटले ... मला जे वाटले ... त्यात नेमके काय साचले आहे ... तिला जे वाटले ते योग्य आहे का ?

तू म्हणजे

2008-07-23T00:55:00.001-07:00

सौंदर्याच वर्णन करायला गेलो ..
नि तू आठवलीस ..
शब्दांची गुंतागुंत वाढली होती ...
नि तू आठवलीस ..
फक्त मी गोंधाळायचा अवकाश ...
नि तू आठवलीस ..
खर सांगू ... तू म्हणजे माझ विसाव्याच स्थान ...

Amarnath Land issue Sign the Petition to President of India

2008-07-03T04:47:00.000-07:00

Hello Indians,

All Indians I request you to sign this Petition and let the President knows we will not keep quite on this kind of things.

Amarnath land Issue Petition

See the thing what is going on in India . Is it India........?

Kashmir celebrates, Jammu burns :

Under pressure from protests organised by separatist forces in the Valley, the Jammu and Kashmir government on Tuesday revoked the order transferring 39.88 hectares of forest land to the Amarnath shrine board.

In Jammu, a series of protest demonstrations were held against the rescinding of the land order. Pitched battles that followed left more than 80 injured in police action.

The authorities imposed curfew in some Jammu areas, when the situation appeared to be getting out of hand.

Meanwhile, Action Committee Against Land Transfer (ACALT) has described the revocation of order as "peoples' win" and called upon people to call off the strike. "It is the first win of the people of Kashmir. We should celebrate it. So far, we had been observing blackout in protest. Let us illuminate our houses tonight," advocate Mian Qayoom, head of the ACALT said.

As Qayoom was still talking, Lal Chowk the centre of protests for the past nine days reverberated with sounds of firecrackers. Several other places in the city and district headquarters also witnessed similar celebrations.

Govt takes over Amarnath yatra :

Caught on a sticky wicket after the Peoples' Democratic Party (PDP) pulled out over the land transfer issue, the Jammu and Kashmir government has decided to take over the responsibility of the Amarnath yatra from the shrine board.

What the hell they are talking about secularism ?

Don't keep quite .

Regards,

Shirish

स्वातंत्र्याचा आनंद

2008-07-02T03:36:00.001-07:00

"The girl whom I love, I wish to be free -- even from me."

जगण्यात बंधन आली तर आनंद नष्ट होतो ...
आणि स्वातंत्र्याचा आनंद Uncomparable असतो ...
जर मी तो तिला देऊ शकलो ...
तर बाकीच्या गोष्टी गौण असतील...
आणि मला नेहमी तिच्या चेहर्यावर मला हव असलेले हसू पाहायला भेटेल ...

तू म्हणजे ..

2008-07-02T01:41:00.001-07:00

तू म्हणजे ..
एका विचार आहेस
मनात कोरलेला
तू अस्तित्वात नसतानाही ..
माझ्या मनात मुरलेला...

समाधान

2008-06-30T23:45:00.001-07:00

कधी काही कळल नाही
तर सोडून द्यायचे...
एखाद्या अवघड गोष्टीलाही ..
ती अवघड आहे याचे समाधान घेऊ द्यायचे ...

थोडासा पाउस

2008-06-23T08:04:00.001-07:00

आळस येतोय
आणि झोपही
ही मरगळ कशी झटकावी तेच कळत नाहीए
जाईन लवकरच घरी ..
कुठेतरी बाहेर जावे वाटतेय
आणि पावसात भिजावेसे वाटतेय
बाइक वर जाईन
जवळपास कुठेतरी
एखादी नदी ...
एखादा तलाव
एखादा झरा
थोडासा पाउस
आणि रेनकोट नसलेला मी ...
सोबत थोडीशी कांदा भजी
आणि मग एक एक थेंब तोंडावर घेत
न्याहाळात बसायचे निसर्गाला ..
पाण्यात पाय बुडवून
पाण्यावर उमटलेले तरंग .. पाहील ..
आणि त्यासोबत .. लहानपनीचा चिखल आठवेल...
कधीतरी ... पावसाच्या पाण्यात सोडलेले जहाजही आठवेल...
आणि परत एकदा ..
खिशातले कुठलातरी तसा महत्वाचा एक बीन महत्वाचा कागद काढेन ....
नाव बनवण्यसाठी ...
बुडाली तरी मजा .. आणि पुढे गेली तरी मजा ..
थोडेसे बालपण मिळवायला .. असा एकांतच लागेल
डोक्यावर नको वाटत असताना ... काहीतरी घेईन ..
कारण गारवा ऐकायचे असेल...
आणि गाण्याच्या चालीमधे धुंद होऊन पाण्या मध्धे पुढे पुढे सरकत राहील
बराच आत जाईल... आणि मग लक्षात येईल...
अरे ... मला मला तर तर नाही ...
तिथेच थोडा वेल घुटामळेल आणि ...
जगातल्या एका सुंदर आणि आर्त प्रवासाची सुरूवात होईल. निसर्गाच्या आणि नदीच्या सहवासामध्ये..

कुठेतरी काहीतरी

2008-06-19T07:40:00.001-07:00

अशीच कुणाची आठवण आली तर एव्हडे काही वाटत नाही ...
पण तुझी आठवण म्हणजे औरच असते ...
हळूहळू येते ... आणि मग दुसरे काहीच सुचु देत नाही ...
एकदाची आली की इतकी बेचैन करते ..
की तुला भेटल्याशिवाय राहावत नाही ...
मग मी वेडा पिसा होतो ..
मला काही कळत नाही ...
मी नेमके काय करतोय ..
मला काय हवे आहे ...
काही काही कळत नाही...
असाच मग मी भटकायला निघतो ..
माहीत असते ना .. तू आत्ता नाही भेटू शकणार म्हणून ...
फिरता फिरता ..
कुठेतरी अद्न्यातात असल्यासारखा भटकत असतो सगळयांचे चेहरे न्याहळात ..
बरेचसे चेहरे तसे तुझ्यासारखेच दिसतात ...
किंवा असेही असेल .. प्रत्येक चेहर्यात मी तुला बघायचा प्रयत्न करतो ...
मनात हजारो विचार घोळत असतात ..
नजर इकडे तिकडे भिरभिरत असते ...
बहुतेक
कुठेतरी काहीतरी हरवलेल्या कोकरासारखी ...

अपुरे शब्द

2008-06-19T06:59:00.001-07:00

बोलता बोलता माणूस मधेच थांबतो ..

आणि शब्द अपुरे पडायला लागतात ...

माहीत नाही काय होते नेमके पण ...

पाण्यातील अश्रुही वेगळे सहजच दिसायला लागतात ...

अणूत्तरीत प्रश्न

2008-06-17T04:35:00.001-07:00

Actually कधी कधी आपल्याला यातच समाधान वाटत की आपल्याला कोणी समजून घेऊ शकत नाही ..
मनाला यामध्ये सुध्डा सुखावणारी एक अनुभूती असते ...

आणि ती अनुभूती आपल्याला आवडायला लागली ...

की सर्वात जवळच्या व्यक्तिबद्दलहि शंका निर्माण व्हयायला लागतात...
शक्यतो... अशावेळी गरज असते ती एकन्ताचि नव्हे तर ...

दुसर्यासोबत त्याच्या भाषेमध्ये संवाद साधण्याची...

आणि तसा संवाद एकदा सुरू झाला की आपल्यालाही वाटेल

अणूत्तरीत प्रश्नांचीही उत्तरे असतात ...

मन

2008-05-26T06:30:00.001-07:00

..बरेचदा घरातल्यांना तुमचे मन मोकळे करणे नको असते

कारण त्याचा ताण त्यांनाही जाणवतो.

मन मोकळे अशा व्यक्तीकडे करावे

जिला तुमच्या दु:खाने फारसा फरक पडत नाही

पण ते ऐकण्याची तयारी आणि वेळ आहे....

आभास

2008-05-26T01:46:00.001-07:00

तुला मी ज्या ज्या वेळी पाहतो ..
त्या वेळी मला सौंदर्याची नवीन व्याख्या उमजते ...
नवीन संदर्भ लागतात ...
एका नावीण्याचा आभास निर्माण होतो ...
आणि सर्व गोष्टी तुझ्यामधे सामावून जातात ...

Inter Cast Marriage

2008-05-23T03:51:00.001-07:00

आजची तरुण मूल म्हणतात ( त्यात मीही आलो) Inter Cast Marriage ला त्यांचा सपोर्ट आहे .
पण खरे जर बघायला गेले तर .. त्याना पाहिजे असते स्वातन्त्र्य ..
त्यांच्या आवडीच्या मुलीशी लग्न करण्याचे ...
ती दुसर्या Cast ची आहे की नाही याच्याशी त्याना काही देणे घेणे नसते ...
जर ती त्यांच्याच Cast ची असेल तर त्याना Inter Cast Marriage शी ही काही देणे घेणे नसते ... ;-)

ती म्हणजे

2008-05-19T05:38:00.001-07:00

ती म्हणजे सत्य आणि स्वप्न यामधे असणारी एक छोटीशी रेघ !
फक्त अजुन प्राप्य नाही म्हणून नाहीतर ... ती म्हणजे बायको ...

व्यक्त होणे

2008-05-17T01:46:00.001-07:00

व्यक्त होणे ही माणसाची गरज आहे ..
त्याला मित्र असतात ..
कशामुळे तर Share करण्यासाठी ...
मुख्य म्हणजे व्यक्त होण्यासाठी ...
जर ही गरज पूर्ण होताना थोडी कमतरता असेल तर माणूस नवीन साधनांचा शोध घेतो ..
आणि वेगवेगळ्या माध्यमातून व्यक्त होण्याचा प्रयत्न करतो ...
ज्यांचा आपल्या आई वडिलांशी संवाद चांगला असतो ते आणि जे सगळ्याच गोष्टी
आई वडिलांशी Share करतात ..
त्याना मित्र जास्त असतात ..
पण असे लोक मित्रान्शि जास्त गोष्टी Share करत नाहीत पण व्यक्त होत असतात ...
यांचे मित्र या व्यक्तीना आपले विसाव्याचे स्थान महणून स्वीकार करतात ..

ज्या दिवशी माणूस व्यक्त व्हायचे बंद होतो ..
त्या दिवशी त्याची चिडचिड .. राग .. उदासीनता .. स्वकेंद्रितपणा वाढतो ...

म्हणून व्यक्त होत राहा ... Its good for Health !

अवर्णनीय सौंदर्य

2008-05-16T08:40:00.001-07:00

अवर्णनीय सौंदर्याच वर्णन कराव ..
अस जर कुणाला वाटल तर पंचाईत होणे साहजिकच ..
अशा वेळी डोळे बंद करायचे
आणि तिचा चेहरा डोळ्यासमोर आणायचा ...

I really dont know , what is this but I know ...
I like her very much...
I do admire her ...
I do love her attitude ..
I do love her childhood..
I simply twinkle my eyes when I see her...

तिच्या कडे पहिले की असे वाटते ...
माझा शोध संपला ...
ती म्हणजे हीच...

The girl I wanted as my life partner ...
She is spirit of my life ...

ती खूप सुंदर आहे ...
ती खूप गोड आहे ...
ती खूप मादक आहे ...
ती खूप मोहक आहे ...
आणि विशेष म्हणजे तो थोडी खडूसही आहे ... माझ्यासारखी...

माझ मी पण विसरून मला तिच्यात विरघळायला नक्की आवडेल ...
मी तिला आवडतो की नाही ?
प्रश्न तसा मोठा आहे ...
पण काय माहीत ... आवडेनही ....
एव्हड नक्की ज्यवेळी ती माझी असेल ,
त्यावेळी तिला माझ्याशिवाय या जगातील इतर कुणीही आवडणार नाही ...

ती खूप लहान आहे ...
पण तिला अक्कल खूप आहे ...
तिचे स्वत:चे विचार आहे ...
Teen Age मधे एव्हडा Attitude ...
But Its Ok ..
माझ Attitude नसलेल्या मुलीशी जमन तस जरा कठीणच ..
ती म्हणजे ...
मला हविहवीशी वाटणारी सोबत ...

तिला लहान मूल खूप आवडतात ...
गचाळपणा चा भारी राग ...
हे असे पाहिजे ... ते तसे पाहिजे ...
प्रत्येक गोष्टीबद्दल स्वत:चे मत ....
ती तशी Heroin च
English म्हणजे जीव की प्राण ...

सगळ कस Stylish पाहिजे ...
जे माझ आहे
ते फक्त आणि फक्त माझ आहे ....

त्यात कुठलीही तडजोड नाही
आणि जे आवडत नाही ते बिलकुलच आवडत नाही .. याक...

एखादी गोष्ट जरा जास्त वेळा केली ही कंटाळा येणार मग तिकडे पहायाचेही नाही ...
स्वच्छंद जगण्यातला आनंद उपभोगायचा आहे ...
त्यासाठी वाट्टेल ते करण्याची तयारी ...
थोड फार खोट बोललेल आम्हाला माफ असत ...

विश्वास म्हणजे काय असतो ?

2008-05-15T00:04:00.000-07:00

काही जणांना मी विचारले : -
विश्वास म्हणजे काय असतो ?
उत्तर :
1. विश्वास म्हणजे दुसरे काही नाही समोरचा माणूस आपल्या स्वार्थाच्या आड
कधी येणार नाही असे समजणे असते ...
2. विश्वास म्हणजे आंधळा स्वार्थ असतो...
3. विश्वास म्हणजे आपल्यापेक्षा इतरणाच्या बोलण्याला जास्त महत्व देणे असते ...
4. विश्वास म्हणजे जी गोष्ट आपण करू शकत नाही त्या गोष्टीसाठी दुसर्यावर
अवलंबुन राहणे असते..
5. आणि बरेच काही ...

राजकारण ....

2008-05-14T07:48:00.000-07:00

राजकारण ....
माझा खूप आवडीचा आणि जिव्हाळ्याचा विषय...
समाजात साचलेली घाण दूर करायची असेल तर झाडू आपणच हातात घेतला पाहिजे

नुसतेच राजकारण्यांच्या नावाने खडे फोडण्यापेक्षा ... स्वत: थोडे तरी योगदान आपण दिले पाहिजे ...

प्रत्येक गोष्टीत सक्रिय सहभाग असावा असे जरी गरजेचे नसले तरी...
आजूबाजूला घडणार्या गोष्टींची जाणीव ..नक्कीच हवी...
संवेदना बोथट झाल्या असतील.. तरी ठीक पण अगदीच नाहिषया झालेल्या नसाव्यात...

कुटुंबात व्यस्त होणे .. म्हणजे .. बाहेरच्या विश्वाला नको म्हणणे .. असे नसावे...
दोन्ही हात या अथांग विश्वाच्या पसार्याला गवसनी घालण्यासाठी नेहमी पंखासारखे तत्पर असावेत....

चारोळी

2008-05-14T04:59:00.001-07:00

मी स्वत:ला शहान समजण्याचा
एक फायदा झाला ..
माझ्यापेक्षा शहान समजणारा
माझ्या सम्परकातून आपोआप दूर होत गेला ...

मी कसा आहे...

2008-05-13T00:08:00.000-07:00

समजून घेणे म्हणजे थोडा त्रास करून घेणे
आणि व्यक्त करणे म्हणजे मोकळे होणे ...

व्यक्त होण्यासाठी लागतो तो धाड्सीपाणा
आणि समजून घेण्यासाठी लागते ती सहनशक्ति

एखाद्या माणसाला ओळखणे खूप अवघड असते
कारण माणूस प्रत्येक क्षणाला अनुभव घेत असतो... आणि प्रत्येक अनुभव माणसाला बदलत असतो....
त्यामुळे स्वत:चे निरीक्षण करणे हीच जगातील सर्वात गरजेची गोष्ट.. आहे ...
आपल्यातले सूक्ष्म बदल ज्यावेळी स्वत:ला जाणवतात ना ... त्यावेळी आपण दुसर्याची काळजी घेण्यास पात्र असतो... :)

मी कसा आहे नेहमीच मला प्रश्न पडतो ...
पण प्रत्येक वेळी प्रश्नाला उत्तर देता येईल असे नसते...
काही वेळेस उत्तर भेटते... तर काही वेळेस खरा मी भेटतो...
बर्‍याचदा गुंता वाढत जातो ... आणि नवीन प्रश्न तयार होतात...

तसा मी खूप सरळ साधा
(
साधा म्हणजे ...
कुणाच्या विरुद्ध डावपेच न रचणारा ..
आणि कोणी डावपेच जर माझ्या विरुद्ध डावपेच रचले तर व्यथीत होणारा ...
पण तरीही जाऊ दे म्हणणारा ..
)
आणि विचारी मुलगा..
खूप मित्र असलेला ...
मित्र ही जिवंतपणाची खूण-- आणि चांगले मित्र जमवने ही आयुष्यातील सर्वात मोठी आणि कायमस्वरूपी सोबत राहणारी गोष्ट ...

कुणीही माझ्यावर विश्वास टाकावा आणि मी त्यास पात्र ठरावे ... एव्हडीच इच्छा ... आणि शक्यतो ... नेहमीच पूर्ण करण्याचा प्रयत्न करतो...

कधी कधी खूप गरज असूनही स्वार्थी न होता येणारा ....

थोडासा आळशी ... थोडासा झोपाळू ...
पण तरीही काम अंगावर आले तर शिंगावर घेणारा.....
आणि आवडीच्या कामात स्वत: ला झोकून देणारा...

मी पीत नाही म्हणून बरा आहे ...
पण मला माहीत आहे ...
पिल्यानंतरचा मी एकदम खरा आहे .

मित्र : - जगात जो सर्वात जास्त गृहीत धरला जातो तो मित्रा....
आणि या जगात आई वडिलांशीवाय इतर कुणीही सर्वात जास्त गृहीत धरल्या जात नाही....
They are our Best of Best friends....
------------------------------------------------------

ओढणी

2008-05-12T07:37:00.000-07:00

............... ओढणी ..............
सायकळच्या चाकात
ओढणी अडकून राहिली
तिच्या चेहर्यावरची
काळजी मीही पाहिली

म्हणाली नाही ती की
मदत हवी म्हणून
मीच गेलो विचारायला
मदत हवी का म्हणून?

खूपच घट्ट अडकून बसली होती
ती त्या चाकात
माझ्याकडे पाहून
हसत होती गालात

ओठ च नव्हते बोलत नुसते
डोळेही सांगत होते
ओढनिचे शरीरही
माझ्या स्पर्शाने थरथरत होते

हळूवार हातांनी तिला
बाहेर त्यातून काढले
तिनेही हसत हसत
माझे आभार मानले

परत जेव्हा ती तिच्या
खांद्यावर ओढली गेली
माझ्या स्पर्शाचा अनुभव
तीही तिला देत गेली

अचानक या प्रसंगातून
बाहेर मी पडलो
सोडून तिला जाताना
मनातल्या मनात रडलो

नाव विचारायचे
तर राहूनच गेले
मनातले विचार ओळखून
तिनेच ते सांगितले

याच तर प्रसंगातून
प्रेम आमचे बहरले
आंब्याचे झाडही
पावसाळ्यात मोहरले

अजूनही तिची ओढणी
स्पर्श माझा मागत असते
वेळेचे भान ठेवून
तीही तिची साथ सोडत असते

--- शिरीष ( ही माझी पहिली --- मला अगदी मनापासून आवडणारी कविता.... )

सहवासाची गरज

2008-05-11T00:57:00.000-07:00

आज असेच वाटले की माझा परिचय करून घ्यावा...
स्वत:चाच परिचय आणि तोही स्वत:शीच..
गोष्ट तशी जरा वेगळीच आहे ..
स्वत:बद्दल विचार करायला जेव्हा वेळ मिळेणासा झाला तेव्हा ...
याशिवाय दुसरा कुठला उपायही उरला नव्हता...

कोण आहे बरे मी...
काय आहे मी..
कसा आहे मी..
खरेच काय करतो मी...
कोणत्या गोष्टी कश्या व्हाव्या असे वाटते मला...
कोणती गोष्ट होऊ नये असे वाटते मला ...
एखादी गोष्ट बदळावी असे वाटते का मला ...
प्रश्न तसे खूप आहेत ...
आणि उत्तर देणाराही आहे...
गरज आहे ती त्याला बोलत करण्याची...
बोलण्यासाठी लागत असलेला वेळ निर्माण करण्याची...
आज तसे मी ठरवले होतेच ...
काहीही झाले तरी स्वत:ला वेळ द्यायचा...
मन म्हणत होते ...
आज तर कुठे तुला निवांत वेळ मिळाला आहे ...
तोही असाच घालवणार का?
मी त्याला समजावले आज काही म्हणू नकोस ...
आज मी माझ्या सर्वात जवळच्या व्यक्ती सोबत संभाषण करणार आहे
आणि ती व्यक्ती कोण आहे माहिती आहे ?

मी आणि फक्त मी ...

स्वत:साठी वेळ द्यायला मीही आता शिकलोय..
आणि माझी सर्वात मोठी सहवासाची गरज आता भरून निघतेय ...
कुठल्याही एकटेपणाशिवाय....

शेवटी काय तर ..

2008-05-10T05:30:00.000-07:00

एखादी गोष्ट आपण कशी समजून घायवी त्याच्या तर्हा वेगवेगळ्या असतात...
कुणाची कशी तर कुणाची कशी...
प्रत्येकाचा दृष्टिकोन वेगळा

माणसाच्या मनात काय चालू आहे ते असे वरुन कळणे अवघडच...
तरी माणूस प्रयत्न करत असतो दुसर्‍याला समजून घेण्याचा...
आणि स्वत:च्या मनाचा दुसर्‍याला थान्गपत्ता न लागू देण्याचा...

मनात काहीतरी वेगळेच चालू असते आणि दाखवत तो काही वेगळेच असतो...
काय माहीत नेमका कशाचा प्रयत्न असतो हा...
आपण खूप वेगळे आहोत हे दाखवण्याचा ...
की आपण इतरांसारखे नाही आहोत हे दर्शवण्याचा...

चुकही तो करत असतो...
चांगलेही तो घडवत असतो...
बघणारे सगळेच बघत असतात..
पण दिसत काही वेगळेच असते आणि सत्य काही वेगळेच असते...
जर दिसणारे चांगले वाटत असेल तर ...तो तेच दाखवण्याचा प्रयत्न करतो...
आणि जर सत्य चांगले असेल तर तो सत्य पुढे आणण्याचा प्रयत्न करतो..

शेवटी काय तर .. Its all about Show off !!

प्रश्न

2008-05-10T05:00:00.000-07:00

प्रत्येक प्रश्नात इथे
अर्थ आहे लपलेला
उत्तर देताना जरा जपून द्या...
नाहीतर प्रत्येक उत्तरातूनही...
कुणीतरी स्वत:चा स्वार्थ आहे साधलेला..

आजकाल तसे अर्थविना आणि स्वार्थाविना प्रश्न सापडणे तसे दुर्मिळ च ...
जर कुणाला तसा प्रश्न पाहिजे असेल तर ... नेट वर chatting करताना ... अनुभव घ्या ...
How are you?

या प्रश्नाचा तुमच्यावर भडिमार होत असेल ..
च्यायला तुझ्या.... असली घाण शिवी तोंडात येते ना .. हा प्रश्न ऐकला की...

एव्हडा निरर्थक प्रश्न मी माझ्या आयुष्यात इतक्यावेळी कधीच ऐकला नव्हता...
ज्यावेळेस पासून मी online असतो आहे ना रोज.. ( कामानिमित्त ) ... तेव्हापासून ... हा प्रश्न ऐकला नकोसे होऊन जाते ..
Please यार .. हा प्रश्न खूप कमी वेळेस विचारा...

अमिताभ

2008-05-10T03:35:00.000-07:00

एखादी भारदस्त कलाकृती पाहायची असेल
तर अमिताभ आठवावा …
एखादी सुंदर शेरेबाजी ऐकायची असेल
तर अमिताभ आठवावा …
गजल असो की गाणे …
कव्वाली असो की भांगडा…
तो कुणी करावा असे वाटत असेल तर
तर अमिताभ आठवावा …
मनावर छाप सोडून जाणारे काही बघायचे असेल
तर अमिताभ आठवावा …

कदाचित ...

2008-05-08T03:14:00.001-07:00

शून्यात बघताना कशाची जाणीव होत नसते...

ना रात्र..

ना दिवस...

ना स्पर्श...

ना आवाज...

आजूबाजूला काय चालू आहे ...

त्यापासून मन अलिप्त असते...

शून्यामध्ये सुध्धा एक प्रकारची शांती असते...

शून्य म्हणजे सुरूवात ...

शून्य म्हणजे अंत ...

शून्य म्हणजे मनाचा आर्त आवाज...

जो फक्त आपण स्वत: च ऐकू शकतो... तेही कदाचित ...

जाणीव

2008-05-07T23:12:00.002-07:00

अशांत मनाच्या कोपर्‍यात ..

दूर कुठेतरी एक जाणीव होती...

शब्द दूर पळत होते ...

पण तरी कुठेतरी...

काहीतरी बोचत होते...

नकोशि गोष्ट ..

नकोशि माणसे...

नकोसा जीव... की नकोसे जीवन...

कळले नाही कधीच...

पण जगणे मात्र मी कधीच विसरलो नाही...

प्रतिबिंब

2008-05-07T23:12:00.001-07:00

असेच कुठेतरी काहीतरी घडते...

त्याचे प्रतिबिंब माझ्याही मनी पडते ...

तूच विचार कर ...

तू सहज जरी काही म्हणालिस..

तरी... मला काहीच का वाटले नसेल ?...

मीही एक माणूस...

तुझ्यासारखाच माणसांच्या ओसाड माळ रानात राहणारा....

तरी .. वेळ आली की स्वत:च मी पण जपणारा...

जन्नत !!!!!!!!!!!!!!!!!

2008-05-07T23:11:00.001-07:00

तिचे मलमली तारुण्य ..
तिचे ते हसने..
तिचे ते वेडा वुन दाखवणे ...
तिची ती हर एक अदा ...
तिचे ते बघने...
तिचे ते लाजने ...
तिची तो मोहक चाल ...
तिची ती मनमोकळी हालचाल ...
तिचा तो गंध...
तिचा तो स्पर्श ... जन्नत !!!!!!!!!!!!!!!!!

सहज

2008-05-07T23:09:00.001-07:00

सहज माझी नजर तिच्याकडे गेली ...

आणि माझे भान हरपले ...

काय सौंदर्य ते वर्णवे ...

गोरे गोरे गाल ..

आकाशी निरभ्र डोळे ..

काळ्याभोर पापण्या ...

मोत्यांसारखे दात ...

अजुन खरच जास्त काही सांगू शकत नाही ...

मी बेभान झालो तिला बघून ....

फक्त तू आठवलीस ...

2008-05-07T07:27:00.000-07:00

प्रेमाची व्याख्या मी एकदा करायला गेलो ...

आणि फक्त तू आठवलीस ...

ते कसे असते ..

कधी होते ..

का होते ...

कशामुळे होते ...

खूप प्रश्न मनात आले ...

मी फक्त डोळे बंद केले ...

आणि ... तू आठवलीस ...

कधी कधी मीही बरोबर असतो

2007-12-24T04:56:00.001-08:00

कधी कधी मीही बरोबर असतो...
पण कुणालाच कळ त नाही....

प्रत्येकाचा निष्कर्ष वेगळा...
प्रत्येकाचा संदर्भ वेगळा...

खरे स्वत:चेच असते असेच सगळे समजतात....

कधी कधी तेही बरोबर असतात...
पण कुणालाच कळ त नाही....

स्वराज्य

2007-07-06T03:38:00.000-07:00

प्रकाशाच्या राज्यात आहे
नुसता काळोख साचलेला.....

बासरीच्या सुर्णाचा येथे
कंठ दाटलेला....

शबदा्वीन कवितांचा
ओघ आटलेला....

म्हाणती नुसते स्वराज्य येथे....
पण त्याचाही ... ध्वज फाटलेला.....

सावली

2007-07-06T02:52:00.000-07:00

सावलीचा सहवास
म्हणजे ...एक दिव्या प्रवास....
न संपणारी सोबत ...
आणि आखंड बडबड ...स्वत:चीच स्वत:शी चाललेली

कुणीही सोबत नसेल
तरी ही मात्र असेल.....
कुठेही ... कधीही....
अगदी शेवटच्या वेळीही..........

सोबत म्हणजे काय ते ती शिकवते
अंधाराच्या राज्यात पुसट होऊन
तर प्रकाशाच्या साम्राज्यात नितळ होऊन ...

मलाही वाटते ..आता मला गरज आहे
अशाच सोबतीची
मी असणार असलो एकटा तरी
कुणीतरी सोबत आहे या आभासाची.....

नाव

2007-07-05T06:25:00.001-07:00

Party होती दारूची
आणि तिथे मात्र पुजारी गटवला ....
लगनमाधे नाव घेता घेता ...
अजुन एक पटवला ....

मी

2007-07-04T06:53:00.000-07:00

जाणार सखे तू कुठे
मी तर नेहमीच इथे उभा असेन
भरारी घेऊन पहा
सार्‍या आसमंतात मीच दिसेन ....

मी

2007-07-04T06:51:00.001-07:00

जन्मलो मी...
जगतोय मी...
रडतोय मी...
हसतोय मी...
खरे सांगू.... माझा मलाच शोधतोय मी...

आयुष्य

2007-07-04T06:40:00.000-07:00

मनाची तगमग ... कधी कधी सहन होत नाही
कधी काही तर कधी काही
नुसत्याच जखमा....
आता तर ... मी मनाला मी समजावणेही सोडून दिलेय...
जेव्हापासून ती सोबत नाही....
जखमा कश्या भरतात .. तेही मन विसरून गेलेय.....
आणि मीही शिकलोय...
जखमा वागवत ... एखाद्या सैनिकासारखा .. आयुष्याशी लढायला ....

आठवण

2007-07-04T06:38:00.000-07:00

अजूनही मन तिला आठवत असते...
कधी गर्दीत ... तर कधी एकाकी...
स्वप्न पडते तेही तिचे...
आठवणी येतात त्याही तिच्या ....
वारा जातो अंगावरून ... तर स्पर्श देतो तोही तिचा....
सगळे कसे... तिच्या पासून सुरू...
आणि तिच्यापर्यंत संपून जाते....
कधी कधी मन मात्र ... एकटे असताना... फक्त तिलाच आठवत राहते.... तिलाच आठवत राहते...

दैव

2007-07-04T06:30:00.000-07:00

दुर्दैव माझे ... की सुदैव तिचे ,...
कुणालाच कधी कळले नाही
सोडून गेली ती मजला तरीही ...
चाचपडने मात्र कधी मीही सोडले नाही

मोरपिस

2007-07-04T06:25:00.001-07:00

आषाढाच्या वणव्यात....
सर्वांग शहारून गेले...
स्पर्श तिने मज असा केला ...
जणू मोरपिस स्पर्शून गेले...

ती

2007-07-04T06:21:00.000-07:00

संपल्या सगळ्या व्यथा ...
झुगारली सगळी बंधने ....
शोध घ्यायचा होता ...तिचा ...
आणि उमगलो मीच मला....

कारण

2007-07-04T06:18:00.000-07:00

विनाकारण शब्द त्रास देतात कधी...
कधी तर फुलेही बोचू लागतात....
कारण असते वेगळेच ...
आणि ..आपलेच परके वाटू लागतात....

गोंधळते मन कधी...
आणि कारणेही विनाकारण वाटू लागतात...

Ajun Ek Naav

2007-06-25T01:54:00.000-07:00

मनातले सगळ प्रेम
ठेवलय फक्त हिच्यासाठी राखून....
सखुबाईच नाव घेतो
मी तिचा ढेकून

Past

2007-06-13T02:02:00.000-07:00

आयुष्याकडून काही मागायला गेलो...
तेव्हा सगळ्याच गोष्टी हजर होत्या...
आणि मला उपाशी काढलेली ती संध्याकाल आठवली....

Thoughts

2007-06-12T01:05:00.001-07:00

विचारांचे ओझे एके दिवशी ...
जरा जास्तच झाले ...
कुठेतरी दूर... एक कॉम्प्यूटर रिस्टारट झाले...

Sadashiv Peth Pune

2007-06-11T23:01:00.000-07:00

ढेकनाचा जन्मा घ्यायचा होता ...
पण चुकुन माणूस झालो...
म्हणूनच की काय...
पेठेतला जावई झालो

Aayushya

2007-06-07T01:28:00.001-07:00

मी पुढे आणि आयुष्य मागे....
शर्यत मस्त रंगात आली....

अचानक मी नौकरीला लागलो ...

आणि....

आयुष्य आता पुढे निघून गेले आहे...
मी झगडतोय अजुन... माझे ते बालपण मिळवण्यासाठी....

Paryavaran

2007-06-04T22:56:00.000-07:00

जमिनींचे भाव वाढले म्हणून बिल्डारांच फावल.....
आणि पर्यावरण वाचवायच म्हणून मीही फ्लॅटमध्ये एक बोनसाय लावल.....

Peene...

2007-06-01T01:14:00.000-07:00

मी पीत नाही म्हणून बरा आहे ...
पण मला माहीत आहे ...
पिल्यानंतरचा मी एकदम खरा आहे .

--शिरीष